Medeu Park Hotel
Таңғалдырып, тамсандыру үшін тұрғызылған қонақ үй
Клиент
Тапсырма
Нәтиже
Қызметтер
Орындау мерзімдері
Medeu Park Hotel үшін біз контекст пен орналасқан жерінің сипатына деген құрметтке негізделген көрнекі жүйені құрдық. Жаңа бренд тауда орналасқан заманауи қонақ үйдің тұтас бейнесін қалыптастыра отырып, модернизм эстетикасын, табиғи жеңілдік пен сәулеттің мәнерін біріктіреді.
Медеу Пусурмановтың үш ағаш үйшігі, шамамен 1870 жыл.
«Медеу» қонақ үйі, 1970 жылдардың соңы және 2010 жылға дейін.
Medeu Park Hotel, 2025 жыл.
Медеудің тарихы қонақ үйден басталады
Medeu Park Hotel-дің көрнекі стилі аңызға айналған жерге деген құрметтен туындаған.
Біздің мақсатымыз - жаңа қонақ үйдің айдентикасын жасап қана қоймай, талай ұрпақты шабыттандырған кеңістіктің рухын ұқыпты қалпына келтіру.
Эстетиканың негізінде 30-шы жылдардағы кеңестік модернизм жатыр: қатаң геометрия, нысандардың айқындығы, поэтикалық қарапайымдылық. Әрбір сызық пен реңк арқылы шынайы сұлулықпен бетпе бет келгенде қалатын нәзік, интуитивті деп атауға болатын сезімдерді тудыруға тырыстық.
Бренд стратегиясы мен платформасы
Нарықты талдап, қонақ үйдің негізгі артықшылықтарын бөліп көрсете отырып, Medeu Park Hotel брендінің платформасын қалыптастырдық - оның құндылықтарын, мақсатын, миссиясы мен орнын анықтадық.
Брендтің басты идеясы - әрбір қонақтың бойындағы эстетикалық қырларын аша отырып, Medeu Park қонақ үйінде өткізген уақыттың қайталанбас және бірегей сезімдерін беру.
Таңдап алған позициялауға сүйене отырып, біз белгілі бір мақсатты аудиториямен, яғни Business Trippers, Local Aspirers және Travel Aesthetes сынды новаторлармен жұмыс істеу ең үлкен нәтиже беретінін анықтадық.
Біз олардың қажеттілігі мен үмітін талдадық: бұл жаңа, бірегей эстетикалық әсер іздеген адамдар. Түрлі кластағы қонақ үйлерді көрген және сервистің жоғары деңгейін қалыпты жағдай ретінде қабылдайтын тәжірибелі саяхатшылар.
Біз олармен стандарттар туралы емес, сезімнің тереңдігі туралы, ескі Алматы стилистикасы мен ерекше атмосфера қалыптастыратын дизайн мен сервистің заманауи элементтері арасындағы үйлесім туралы айтып отырмыз.
Біздің міндетіміз - бірегей өмір сүру тәжірибесі мен қонақ үйдің сипатын қалыптастыра отырып, өзектілік пен шынайылықтың терең түйісуін көрсету.
Брендтің сипаты мен алатын орнына сүйене отырып, біз tone of voice және коммуникация стратегиясын қалыптастырдық.
Бірегей локацияға сүйене отырып, біз өршіл, бірақ қол жеткізуге болатын PR‑мақсатты қойдық: Medeu Park Hotel‑ді аймақтың жаңа сәулеттік‑туристік символына айналдыру және қонақ үйдің Медеу шатқалының синонимі болуына қол жеткізу.
Логотиптің символы
Біз графикада Іле Алатауының еркіндігін сезіндіріп, таза ауасының лебін жеткізуге, жеңілдік пен шыңдарды –символдық түрдегі және шынайы заңғар биіктерді бағындыруға деген ұмтылысты көрсетуге тырыстық. Көкке самғаумен, жеңіспен және жергілікті мәдениетпен сабақтаса өрілген Қарлығаш құстың бейнесі осы идеяның шынайы көрінісіне айналды.
Сондай-ақ, көрнекі стиль 30-шы жылдардағы қатаң, геометриялық, бірақ терең поэтикалық кеңестік модернизм эстетикасын көрсетеді. Әрбір пішін, сызық және реңк арқылы біз шынымен де керемет дүниемен бетпе бет келгеннен кейін адамның бойын билейтін нәзік, интуитивті сезімдерді тудыруға тырыстық.
Логотип
Жеңілдіктің, қозғалыс пен жетістіктердің символы ретінде қарлығаш осы таңбаны жасауға шабыт берді. Бұл Медеуде әрбір адам сезінетін табиғаттың еркіндігіне және мұз айдынынан көрінетін бес қарлығаштан құралған танымал инсталляцияға сілтеме.
- Символ сондай-ақ сәулеттік формаларды еске салады: айқын сызықтар, жоғары қарай қозғалыс, жеңіл ассиметрия.
- Аралас таңба графикалық элемент пен Medeu Park Hotel жазуынан тұрады.
- Ол бейімделгіш, оңай масштабталады, түс пен монохромда жұмыс істейді, ойластырылған қорғау алаңы мен қатаң пайдалану ережелері бар.
Баспахана
Баспахана жүйесі үшін біз екі қаріпті таңдадық:
- олар тарихи негіз (сәулеттік модернизм) бен,
- заманауи эстетиканы (геометриясы, оқылуы, қарапайымдылығы) біріктіреді.
Twelkmeyer
Анна Сеславинская сәулетші Виктор Твелкмейердің (ВХУТЕИН) эскизі бойынша жасаған кең, ерекше қаріп. Ол сәулеттілікті, авангардты, кеңестік конструктивизмнің эстетикасын бейнелейді.
Виктор Твелкмейер
Futura PT
Формалардың озықтығын, технологиялығын және тазалығын көрсететін минималистік гротеск. Futura Medium-ның кириллицалық нұсқасы 80-жылғы Олимпиада үшін жасалған және тарихи әрі мәдени тереңдіктің символы болып табылады.
Бұл қаріптердің үйлесімі орналасқан жерінің сәулеттік сипатын көрсетеді, өткен мен болашақты байланыстырады, сондай-ақ коммуникацияның өзіне тән ырғақты жеткізеді.
Пауль Реннер
Medeu Park Hotel түстік палитрасы үш шабыт көзінің тоғысқан нүктесінде құрылған: Іле Алатауының табиғаты, оның орманымен, тасымен, аспанмен және ұясына батып бара жатқан күнмен; қонақ үйдің интерьері ағаш пен тоқыманың жылы фактурасымен үйлесімді; сондай-ақ мәдени контекстпен тоғысады, онда қанық және асыл реңктер маңызды рөл атқарады.
Графикалық элементтер мен паттерндер
Негізгі сарын - қарлығаштардың өзара қиысуы
Сәулет пен жоғары қарай ұмтылу идеясын дәріптейтін көп қабатты, масштабталатын элемент. Сәндік нақыш, кескіндерге арналған бетперде немесе фон ретінде қолданылуы мүмкін.
Қаріптік паттерн
22° бұрышқа еңістетілген мәтін фирмалық қарпінің арқасында құрылым мен ырғақ сезімін тудырады. Тасығыштарды, қаптамаларды және ортаны безендіру үшін қолданылады.
Базалықтан (визиткалар, бланкілер) бастап бірегей тасығыштарға дейін тасығыштың 50 ден астам түрі әзірленді:
- Фирмалық тоқыма мен гигиеналық жиынтықтар
- Паттерндер мен лагы бар қаптама
- Кәдесый өнімдері және мерч (шопперлер, слипперлер, блокноттар)
- Бөлмелерге, мейрамханаға, SPA-ға арналған материалдар
- Digital мен әлеуметтік желілерге арналған элементтер
Әрбір нысан эмоциялар тудыру, эстетиканы сақтау, танымал болу сияқты негізгі идеяны қолдайды.
Маркетингтік стратегия инстаграмды жүргізу жөніндегі ұсынымдарды, жарнамалық кампаниялар үшін ұсынымдар топтамасын, әлеуметтік желілер мен веб-сайтты безендіруге арналған фотосуреттерді қамтиды. Біз көрнекі эстетиканы анықтадық, онда Медеудің табиғи ортасы қонақ үйдің жайлылығымен және қазіргі заманның үнімен үйлеседі – жылы жарық, жұмсақ текстура, таза сызықтар және тамылжыған тынығу сезімі.
Біз сондай-ақ түрлі басылымдар үшін посттарға арналған үлгілерді дайындадық, бұл қонақ үйдің командасына контенттің форматына қарамастан көрнекі тұтас коммуникация құруға мүмкіндік берді.
Жасалған айдентика заманауи жайлылық табиғаттың тамылжыған тыныштығымен үйлесімін тапқан жер - Medeu Park Hotel атмосферасына сіңіп кетті. Әзірленген коммуникациялық стратегия қонақ үйдің ерекшелігін дәл береді: нәзік, жылы және бүге-шүгесіне дейін ойластырылған.
Medeu Park Hotel шатқалдың- өткені мен бүгіні үйлесімді тоғысатын кеңістіктің тарихындағы жаңа тараудың бетін ашты.
Біз осы жердің рухына тағзым етіп, оған заманауи, эстетикалық және шабыттандырушы үн қостық. Medeu Park Hotel - таңғалдыру үшін тұрғызылған қонақ үй.
біз адамдардың
өмірін жақсартатын
жобаларды жасаймыз
credits
Креативный директор
Евгений Хоботов
Менеджер
Светлана Поликарпова
Арт директор
Дария Бекенова
Дизайнерлер
Джумагалиева Асель
Таисия Лёшина
Креативный директор
Евгений Хоботов
Менеджер
Светлана Поликарпова
Арт директор
Дария Бекенова
Дизайнерлер
Джумагалиева Асель
Таисия Лёшина
